Weltall-Daadord
Heut muss ich aus dem berühmte „aktuellen Anlass“ widder mo üüwer die Kategorie „Wallich nedd, odder?“ schreib. Du lassd woss in die Zeitung und denkst sofort „Doss gidds doch nedd!“. Iss mir jetzt widder zweemol bassierd. In die erscht Meldung gings ömm s Kaiserhaus in Japan unn die Tatsach, däss dürrd weibliche Thronfolger nooch wie vuur ausscheide. Der Prinz Hisahito, jetzt 14 Johr alt, muss sich also irgendwenn amoll a Fraa süch, die dezu bereit iss, n Buuwe zu gebärn. Ja, ich wääs, die Strömpf droo läss odder mit Gummistiefel nei’s Bett, die alte Hausmittelich. Hör auf! Dazu bereit, a Büüwle zu gebärn, senn wohrscheinlich vill von Hisahito sei mööchliche Bräut, owwer obs dann a glabbd? Unn jetzt künnds, woss mich so erschrogge hodd. Es wor nämlich wörrdlich zu lese: „Und sollte das mit dem Jungen nicht klappen, müsste er sich eine neue Frau suchen und es mit der probieren.“ Iss doch der Hammer, odder? Unn im höchsten Grade unmenschlich! Nedd unmenschlich, owwer trotzdem nedd zu glääwe, iss die Meldung, die vuur zwee Woche in die Zeitung gstanne woor. Die russisch Schauspielerin Julia Peressild söll zomm mit n Regisseur in a Sojus-Rakete zu die Raumstation ISS fliech. Doo senn fürrn Herwest Dreharbeiten gebloond. Ja, wallich, s erschtmoll söll ins Weltall, in die ISS, a Film gedreht weer! Die Julia hodd sich onnder 20 Finalistinne durchgsetzt unn insgsamt worrn mehr wie 3.000 Bewerbunge eigange. Jetzt iss natürlich die Frooch, woos do wohl für a Film gedreht weer söll. Vielleicht a Weltall-Daadord? Könnt langweilig weer, weil weit würdd der Mörder zwangsläufig nedd komme. A Komödienstadel iss aa schwer vuurstellboor. Drei Akte mit die boor Leut? Nee! N wohrscheinlichste: „Das (T)Raumschiff“. Ächendlich a wurscht, owwer die Russe senn halt ömmer widder für a Überraschung gut. Wie vuur knapp a Johr mit die Entwicklung vo dem russische Corona-Impfstoff „Sputnik V“. Hört sich jo aa irchendwie nooch Weltall oo. Der Gotthold unn iich hömm sich jetzt übrigens als Testpersone mit Sputnik V läss impf. Bis jetzt alles gut, kee Nebenwirkunge und für di? vo euch, di? Angst hömm, dä?s es nedd g?nug getest wurrn iss, konn ich b??uhigt sa???, dä?s bi? je??? k?ee efectoski secundarioski ? ???? ????? ????? ???????, ? ? ????????????? ? ???? ? ?????? ? ??? ?????? ?????? ???????. Do svidaniya, Eusta?h.