Wendie Woohle bei uns im Landkreis dessmoll mit n härteste getroffe hömm, worrndie Hünd. Verzweifelt hömm Daggl, Spitz, Schäferhünd unn Boxer drauf geworrd,däss der Zirgus endlich vorbei iss. Jetzt senn die seit Oofang Augustoohaltende Hündsdooch mit derre vermaledeite zwee Woohle römm und die Hünd inRhön unn Grabfeld könne befreit aufgschnauf. Der ee odder anner fräächt sichwohrscheinlich, woos unner Hünd o so a Woohl gstör konn. Ganz eefoch: dieDreifaltigkeit Habermann, Demar unn Vogel. Doss hodd owwer nix mit Gott Vater,Gott Sohn unn Gott Heiliger Geist zu tun, sondern allee mit die Daadsach, dässdie drei nooch sechs Woche bei Wind unn Wadder scho ziemlich Falte gwurrfe hömm.Noch nie hadde merr bei uns so ein Triumvirat vo ee Partei bei a Woohl alsKandidate. Und entsprechend hodd sichs oogeboode, zu blaggadiern. KeeVerkehrsschild, keen Laternemast unn keen Baam hodds gaawe, wo nedd Habermann,Demar unn Vogel komplett außerömm gebaut worrn. Und jetzt würrd doss Problemfür die Hünd deutlich. Wo mechste in die sechs Woche dei Gschäft? Stell diramoll vur, du bist a gemeiner Rhöner Hund unn s iss Samsdich, 3. August 2013,oowerts dreiviertel Sechs. Du hossd vüür, noch amoll offn Gloo zu gänn, bevuurdu dich ab viertel Neu naawe Herrle unn Frääle off die Degg leechst, unnFernseh guggst. Hundsfotza. S Blaggadierbatallion vo die CSU hodd ganze Arbeitgeleist unn innerhalb von zwee Stonn sämtliche Hündbissoars im Landkreis gnadenlosverrammelt. Grichst du als Hund ower erscht mit, wenns scho knapp iss. Du trottstzu dein Lieblingsbaam, wisst s hinner, link Bee heb, sisst ower n Landroot indie Aachewinkel. Gut, gässde halt a Stögg ömmen Baam römm. Und wen sisste? NSteffen Vogel. Also gut, noch a weng römm, irchendwenn müsse doch selbst derCSU die Kandidate ausgäh! Owwer wer mecht n Baam vollends zu? Der Josef Demar!Der Anstand verbiets dir, s Gschäft zu vollende und so mechste als Hund eewaausnahmsweis nei die Hoose. Ja, so iss doss! Wenn a Hund keen Baam für seiGschäft find, no iss doss für die orm Kreatur so, wie wenn mir Mensche nei dieHose mache. Owwer jetzt senn jo alle Baame widder frei und unner Hünd könnewidder befreit drauf los gebies. Wie gewöhnt musikalisch: off 3 b in e-dur. DieWoohle senn römm – Harmonie, Ruhe und Frieden auf Erden. Servus, der Eustach